පුද්ගලයින් 150ක් රැගත් 4U9525 යානය අනතුරට පත්වුනේ මෙහෙමයි

 

පුද්ගලයින් 150 දෙනෙකු රැගත් ගුවන් යානයක් ප්‍රංශයේදී කඩා වැටී තිබෙනවා. Germanwings ගුවන් සමාගමට අයත් A320 ගුවන් යානයකුයි මෙලෙස අනතුරට පත්ව ඇත්තේ. ස්පාඥ්ඥයේ බාර්සිලෝනා නගරයේ සිට ඩුසෙල්ඩෝෆ් දක්වා ගමන් ගත් යානය ප්‍රංශයේ ඇල්ප්ස් කඳුවැටියට කඩාවැටී තිබෙනවා. මේ අනතුරින් යානයේ ගමන්ගත් මඟින් හා කාර්යමණ්ඩලය සියළු දෙනාම මියගොස් ඇති බවයි වාර්ථා වන්නේ. මිය ගිය අතර පාසල් දරුවන් 16 දෙනෙක්, ජර්මන් ජාතිකයින් 67ක් සහ කාර්යමණ්ඩලය 6 දෙනෙකු සිටි බවයි වාර්ථාවන්නේ.

අනතුරට ලක්වූ Germanwings ගුවන් සමාගමට අයත් Airbus A320 යානය

යානය බාර්සිලෝනා ගුවන්තොටුපලෙන් ගමන් අරඹා උදෑසන 10.45 වන විට යානය අඩි 38,000ක් ඉහළ අහසේ ගමන්ගනිමින් තිබෙනවා. ඊට මිනිත්තු 8කින් පසුව අවසන් වරට රේඩාර් හි සටහන් වන විටදී යානය අඩි 6000ක් උසින්, වේගයෙන් පහලට ගමන් කරමින් තිබී ඇත. ඉතා ඉහළ අහසේ ගමන්කරමින් සිට මිනිත්තු 8ක් වැනි සුළු කාලයක් තුලදී පහළට ඇදවැටීම බොහෝවිට යාන්ත්‍රක දෝෂයක් නිසා සිදුවිය හැකි බවයි වාර්තා වන්නේ. ඒ වගේම අනතුරට පත්වූ 4U9525 යානයේ නිවුන් යානය මීට මාස 4කට පෙර යාන්ත්‍රික දෝෂයකට ලක්වීමෙන් පසුව ඊයේ දිනයේදී අනතුරට ලක්වූ යානයේ ආරක්ෂාව පිළිබඳවත් අනතුරු අඟවා ඇති බවත් වාර්ථාවනවා. මීට අමතරව යානය ගොඩබෑමේ පද්ධතියේ දෝෂයක් ඇතුළුව යාන්ත්‍රික දෝෂ කිහිපයක්ම තිබී ඇත.

යානය ක්ෂණිකව පහළට පැමිණි මුත් කිසිදු අනතුරු හැඟවීමේ සංඥාවක් ගුවන් පාලන මධ්‍යස්ථානය වෙත නොලැබීම නිසා යානය අනතුරට පත්වීමේදී ගුවන් නියමුවන්ගේ ක්‍රියාකලාපය පිළිබඳවත් සැක පළවනවා. ක්ෂණිකව යානය පහළට ගමන් ගන්නා විට ගුවන් නියමුවන් සිහිමුර්ඡා තත්වයේ සිටියාදැයි සැකයක්ද ඇතිව තිබෙනවා. ඒ නිසාවෙන් මේ ගුවන් අනතරු ත්‍රස්තවාදී ප්‍රහාරයක් වියහැකි බවත් ඇතැම් විදෙස් මාධ්‍ය වර්ථාකර සිටියා. කෙසේ නමුත් අනතුර සිදුවූ හේතුව පිළිබඳව මෙතෙක් නිවැරදි තොරතුරු වාර්ථා වී නොමැත.

අනතුරෙන් මියගිය ඔපෙරා ගායිකා Maria Radner

අනතුරෙන් මියගිය අය අතර ප්‍රසිද්ධ ස්පාඥ්ඤ ජාතික ඔපෙරා ගායිකාවක්, ඕස්ට්‍රේලියානු ජාතිකයින් දෙදෙනෙක්, ජපන් ජාතිකයින් දෙදෙනෙක් හා ඇමරිකන් ජාතකයෙක්ද සිටි බවයි දැනට වාර්ථා වන තොරතුරු වලින් හෙළිවන්නේ. මේ අනතුර නිසාවෙන් දැනට ගුවන් යානා නියමුවන් ඇතුළු කාර්යමණ්ඩලයේ බොහෝ පිරිසක් Germanwings ගුවන් සේවයේ සේවය කිරීම ප්‍රතික්ෂේප කර තිබෙනවා.

දෝෂ සහිත යානයක් මේ ආකාරයට භාවිතයට ගැනීම සම්බන්ධයෙන් වගකිව යුතු නිළධාරීන් මේ වන විට ප්‍රශ්ණ කිරීම් සඳහා යොමුකර ඇති අතර සිද්ධිය සම්බන්ධයෙන් කඩිනම් පරීක්ෂණයක් සිදුකරන බව බළධාරීන් පවසා සිටිනවා. අඩු පිරිවැය ගුවන් ගමන් සඳහා වැඩි වශයෙන් භාවිත වන A320 ගුවන් යානා සියල්ලක්ම මේ අනතුරන් පසුව පූර්ණ පරික්ෂාවට ලක්කෙරෙනු ඇත. අපේ රටේ භාවිත වන ගුවන් යානා බහුතරයක්ම A320 යානා වන අතර දැනට භාවිතයේ පවතින සමහර A320 යානා වසර 20ක් පමණ පැරණි ඒවායි.

කෙසේ නමුත් Airbus A320 යානය ආරක්ෂාව අතින් විශිෂ්ඨ යානයක්. මීට පෙර A320 යානා වලින් සිදුවූ අනතුරු වලින් 90%කට අධික ප්‍රමාණයක් මිනිස් අත්වැරදීම් මත සිදූවූ ඒවා මිස යානයේ දෝෂ නිසා සිදුවූ ඒවා නොවේ. අනෙක යානය පහළ බැසීම ආරම්භ වීමෙන් පසුව අනතුරක් පිළිබඳව තොරතුරු පාලන මැදිරිය වෙත වාර්ථා කිරීමට ගුවන් නියමුවා අපොහොසත් වීම නිසා මේ අනතුර සඳහාත් ගුවන් නියමුවාගේ දෝෂයක් නිසා සිදුවූවක් විය හැකිබවත් ඇතැම් ගුවන් යානා ආරක්ෂක විශේෂඥයින් මත පළකර සිටිනවා.

අනතුරෙන් විනාශ වූ යානයේ සුන් බුන් සෙවීම මේ වන විට සිදුවන අතර යානය කුඩා කොටස් වලට විනාශ වී ඇති බවයි යානයේ සුන්බුන් ඉවත් කිරීමේ සේවකයින් පවසන්නේ. යානය අනතුරට පත්වූ ස්ථානය ජනාවාස වලින් බොහෝම ඈත කඳුකර ප්‍රදේශයක් නිසාවෙන් සුන් බුන් ඉවත් කිරීම හා මිය ගිය අයගේ සිරුරු සෙවීම අතිශය දුෂ්කර කාර්යයක් වී ඇත. එම ස්ථානයට ලඟා විය හැක්කේ හෙලිකොප්ටර් යානා වලින් පමණක් බවයි සහන සේවා නිළධාරීන් පවසන්නේ. කෙසේ නමුත් මේ වන විට යානයේ තිබූ කළ පෙට්ටි (BlackBox) දෙකෙන් එකක් සොයාගෙන ඇති අතර එය කඩිනමින් පරීක්ෂාකර දත්ත ලබාගැනීම සඳහා යොමුකර ඇත. සාමාන්‍යයෙන් ගුවන් යානයක සියළුම තොරතුරු සටහන් වන්නේ මේ කළු පෙට්ටියේය. ඒ නිසා කළු පෙට්ටියේ තොරතුරු අනාවරණය වීමෙන් පසුව අනතුරට හේතුව ගැන හෝඩුවාවක් සොයාගන්නට හැකි වේවි.

ලබන සඳුදා සිට ලංකාවට නොමිලයේ වයි-ෆයි ( Free WiFI )

 

ලබන සඳුදා (30) සිට නොමිලයේ වයිෆයි ( Free WiFi ) ලබාදීමේ පහසුකම සපයන බව මීට සුළු මොහොතකට පෙර අගමැති රනිල් වික්‍රමසිංහ මහතා මාධ්‍ය හමුවකදී ප්‍රකාශකර සිටියා. දින සියයේ වැඩපිළිවෙලින් ප්‍රකාශයට පත්කළ නොමිලයේ වයිෆයි ලබාදීමේ වැඩපිලිවෙලේ ප්‍රථම අදියර ලෙස ලබන සඳුදා සිට කොළඹ කොටුව දුම්රිය ස්ථානය තුල වයිෆයි පහසුකම් ස්ථාපිත කෙරෙනු ඇත.

මීට පෙර වාර්ථා වූ පරිදි නම් මේ වැඩපිළිවෙල යටතේ එක් ජංගම උපකරණයකට මාසයක කාලයක් සඳහා 100 MB ප්‍රමාණයක් ලබා දෙනු ඇත.

මේ වැඩපිළිවෙල පිළිබඳ ඔබේ අදහසත් පහත කමෙන්ට් තීරුවේ පළකරන්න.

“මේ ආදරයයි” ටෙලි නාට්‍යයේ රමන්, ඉෂිතාගේ පියා සිය සැබෑ මාමණ්ඩිය කර ගනී

---

මේ දිනවල සිරස ටී.වී. ඔස්සේ විකාශය වන මේ ආදරයයි, ටෙලි නාට්‍යයේ ප්‍රධාන නළුවා ලෙස රංගනයෙන් දායක වන කරන් පටෙල් (රමන් බල්හා) සැබෑ ජීවිතයේ විවාහ වීමට සූදානම් වේ.

සිරස රූපවාහිනය ඔස්සේ විකාශය කෙරෙන මේ අදාරයයි ටෙලි නාට්‍ය මාලාවේ ප්‍රධාන චරිතයක් වන රමන් බල්හාට පණ පොවන කරන් පටෙල් සැබෑ ජීවිතයේදී ද සිය මාමණ්ඩිය ලෙස මෙම නාට්‍ය යේ මාමණ්ඩිය ම තෝරා ගෙන තිබේ.

ඉන්දීය මාධ්‍ය වාර්තා කළේ, කරන් පටෙල් මේ ආදරයයි නාට්‍යයේ සිය මාමණ්ඩිය ලෙස රඟන අයියර් මහතා (අභේ භර්ගාවා)ගේ දියණිය සමග විවාහ වීමට සූදානමින් සිටින බව ය.

මෙම තොරතුර ඉන්දීය මාධ්‍ය වෙත අනාවරණය කර අැත්තේ, රමන්ගේ මාමණ්ඩිය විසින් ම ය.

ඔහු පවසා ඇති අන්දමට සිය දියණිය අනික්තා සමග කරන් පටෙල් පළමු වරට කතාබහ කර ඇත්තේ, නිවසේ පැවති සාදයකදී බව ය.

කෙසේ වෙතත් විවාහය පැවැත්වෙන දිනය පිළිබඳව ඔහු මාධ්‍යට හෙළි කර නොමැත.

අන්තර්ජාලයේ අදහස් පළකිරීමේ බාධා ඉවත් කෙරෙයි

වෙබ් අඩවි තුළ පළ කෙරෙන අදහස් දැක්වීම වලට පුද්ගලයෙකුට වසර තුනක් දක්වා වූ කාලයක සිර දඬුවම් නියම කිරීමේ හැකියාව ලබා දී තිබේ

බලධාරීන් විසින් අපහාසාත්මක යැයි තීරණය කරනු ලබන අදහස් දැක්වීම් අන්තර්ජාලය තුළ පළකරන පුද්ගලයන් අත්අඩංගුවට ගැනීමට පොලීසියට බලය පැවරෙන මතභේදයට තුඩු දෙන නීතියක් ඉන්දියානු ශ්‍රේෂ්ඨාධිකරණය විසින් ඉවත් කොට කොට තිබේ.

මෙම පැවති නීතිය අනුව සමාජ මාධ්‍ය ජාල සහ අනෙකුත් වෙබ් අඩවි තුළ පළ කෙරෙන එවැනි අදහස් දැක්වීම වලට පුද්ගලයෙකුට වසර තුනක් දක්වා වූ කාලයක සිර දඬුවම් නියම කිරීමේ හැකියාව ලබා දී තිබුණි.

ශ්‍රේෂ්ඨාධිකරණ විනිසුරුවරුන් පැවසුවේ 66 A නමින් හැඳින්වෙන, ඉන්දියානු තොරතුරු තාක්ෂණ පනතට 2009 වසරේ දී කළ සංශෝධනය ව්‍යවස්ථා විරෝධී වන අතර නිදහස් භාෂණයට සීමා පැනවීමක් කර ඇති බවයි.

අන්තර්ජාලය තුළ දේශපාලන කාටූන් චිත්‍ර හෝ අදහස් පළකිරීම හා අන්තර්ජාල වාරණය පිලිබඳ දරුණු විවාදයක් ඇතිකිරීම හේතුවෙන් මෑත කාලයේ දී ඉන්දියාව තුළ පුද්ගලයන් කිහිප දෙනෙකුම අත් අඩංගුවට ගනු ලැබිණ.

බිලියන 7ක ජනගහණය මේ මොහොතේ කරන්නේ මොනවාද?

 

ආසන්න වශයෙන් සලකන විට ලෝක ජනගහණය බිලියන 7ක්. ඒ කියන්නේ මේ ලෝකේ කිසිම ව්‍යාපාරයකට බිලියන 7කට වඩා පාරිභෝගිකයින් සිටින්නට හැකියාවක් නැහැ. ඇත්තටම මේ බිලියන 7ක පිරිස එදිනෙදා  මොනවද කරන්නේ.

http://fundersandfounders.com/

දවසකට තියෙන්නේ පැය 24ක්. ඒක කාටවත් වැඩිකරන්න බැහැ. ඒ වගේම සාමාන්‍ය පුද්ගලයෙක්ගේ ආයු කාලය වසර 78ක් වශයෙනුයි සැලකෙන්නේ. ඉතින් මේ බිලියන 7ක ජනතාව තමන්ගේ අවුරුදු 78ක ජීවිතකාලය තුල කරන දේවල් ගැන අදහසක් ගන්න පුළුවන් නම් අපිට වඩා කාර්යක්ෂම විදියට ඒ කාලය වැයකරන්නේ කොහොමද කියන දේ ගැන අදහසක් ගන්න පුළුවන් වේවි. ඒ වගේම ඔයා ව්‍යවසායකයෙක් නම් එහෙමත් නැත්නම් නවනිපැයුම්කරුවෙක් නම් ලෝකවාසී ජනතාවගේ ජීවන තත්වය උසස් කරන්න මේ දත්ත යොදාගන්න පුළුවන් වේවි.

http://fundersandfounders.com/

පුද්ගලයෙක් තම ජීවිතකාලයෙන් 1/3ක් නිදාගන්නවා

පුද්ගලයෙක් සිය ජීවිතකාලයෙන් වැඩියෙන්ම කාලය වැයකරන්නේ නිදාගන්න. ජීවිතකාලය අවුරුදු 78ක් නම් ඉන් අවුරුදු 28.3ක්ම ඔහු නිදාගන්නවා. ඉතින්? ඉතින් යම් ඔබට පුලුවන්නම් නින්ද සඳහා උදව් වෙන, එහෙමත් නැත්නම් සුව නින්දකට උපකාරීවෙන නිර්මාණයක් කරන්න ඒ නිර්මාණය අතිවිශාල ජනතාවක් හැමදාම පාවිච්චි කරාවි. ජීවිතකාලයෙන් 1/3ක් ඔයාගේ නිපැයුම පාවිච්චි කරාවි.

වසර 6ක් ගේ දොර වැඩකටයුතු සඳහා අසතුටෙන් කාලය වැයකරනවා.

ගේ දොර වැඩකටයුතු කරන්න කවුද කැමති. ගේ අතුගාන්න, බිම මදින්න, පිඟන් හෝදන්න වගේ දේවල් කරන්න උදව්වෙන startup එකක් ඔයාට පටන්ගන්න පුළුවන් නම් ඒක මුළු මනුෂ්‍යවර්ගයාගේම ජීවිත කාලයෙන් අවුරුදු 6ක කාලයක් ඉතුරු කරන්න උදව් වේවි.

පුද්ගලයෙක් අවුරුදු 10.5ක කාලයක් රාජකාරී සඳහා වැයකරනවා. අවුරුදු 9ක කාලයක් විනෝදාත්මක දේ සඳහා වැයකරනවා.

සාමාන්‍ය කෙනෙක් සිය ජීවිතකාලයෙන් වැටුපක් ලැබෙන රාජකාරී සඳහාත් වැටුපක් නොලැබෙන විනෝදාත්මක කටයුතු සඳහාත් ආසන්න වශයෙන් සමාන කාලයක් වැය කරනවා. ඉතින් ඔයාට පුළුවන්නම් කෙනෙකුගේ රාජකාරී කටයුතු විනෝදාත්මකව සතුටින් නිමකරන්නට දායක වෙන්න එය අපට ලැබෙන සීමිත කාලය ඵලදායී විදියට වැයකරන්නට උපකාරී වේවි. ඒ නැතත් කෙනෙකුට තමන් ආසාවෙන් කරන රැකියාවක් සොයාදෙන්නට හැකි නිපැයුමක් හෝ සේවාවක් ඔබට සපයන්නට පුළුවන්නම් එයත් එක්තරා ආකාරයක ඉහත කාරණය සඳහා දායක වේවි.

ලෝක ජනගහණයෙන් අඩකට ආසන්න ප්‍රමාණයකට රැකියාවක් නැහැ.

ලෝක ජනගහනයෙන් වැඩි පිරිසක් වන කුඩා ළමුන් රැකියාවක් කිරීමට තරම් වයසක නැහැ. වසර කිහිපයකින් වැඩිවියට පත්වෙන මේ ළමා ජනගහණයේ මොළ ටික හැකි ඉක්මනින් ශ්‍රම බලකායට එකතුකරන්නට පුළවන්නම්?

ලෝක ජනගහනයෙන් 1/5ක් තවමත් වගාකරනවා

රැකියාවක් කිරීම පමණක්ම නෙවෙයි මුදල් ඉපැයීමේ මාර්ගය. මීට වසර 100කට පමණ පෙර මුදල් ඉපැයීමේ ප්‍රධාන මාර්ගය කෘෂිකර්මය වෙලා තිබුනා. ඒත් දැනටත් ලෝක ජනගහණයෙන් 1/5ක් කෘෂිකර්මයෙනුයි ජීවත් වෙන්නේ. එක අතකට ඒක සාධාරණයි. මොකද කවුරුහරි අපිට අවශ්‍ය වන ආහාර නිෂ්පාදනය කරන්න අවශ්‍යයි නේ. ඒත් තාක්ෂණයේ සීග්‍ර දියුණුවත් එක්ක කෘෂි කර්මය සම්පූර්ණයෙන්ම රොබෝවරුන්ට බාරදෙන්න පුළුවන් නම් අපිට ඒ විශාල පිරිසේ ජීවන තත්වය තවත් උසස් කරන්න පුළුවන් නේද?

බිලියන 1/2කට ආසන්න පිරිසක් ව්‍යවසායකයින්

දැනට වැඩිම පිරිසක් මුදල් ඉපැයීමේ මාර්ගය විදියට පිළිගන්නේ රැකියාවක් කිරීම. අතීතයේ ප්‍රධාන මුදල් ඉපැයීමේ මාර්ගය කෘෂිකර්මය බව අප හැමෝම දන්න කරුණක් නේ. ඉතින් අනාගතයේ මුදල් ඉපැයීමේ ප්‍රධාන මාර්ගය කුමක් වේවිද? ඒ මොකක් වුනත් දැනට සීග්‍රෙයන් වැඩිවෙන පිරිසක් තමයි ව්‍යවසායකයින් (entrepreneurs) කියන්නේ. ඇපල් විකුණන කෙනෙකුගේ ඉඳන් බැංකුවක ආරම්භකයෙක් දක්වා සෑම කෙනෙක්ම ලෝක ජනගහනයෙන් මිලියන 400ක් වෙන මේ ගොඩට අයිතියි.

ඒ අයගේ ප්‍රධාන ලක්ෂණය තමයි එයාලා රැකියා සොයායන්නේ නැහැ. රැකියා නිර්මාණය කරගන්නවා. තවත් අයට රැකියා නිර්මාණය කරලා දෙනවා. මේ පිරිස සිග්‍රෙයන් වැඩිවන බවක් පෙනෙන්නට තිබෙනවා. අනිවාර්යයෙන්ම අනාගතයේ හැමෝම ව්‍යවසායකයින් වීමට හැකියාවක් නැහැ. නමුත් දැනට තියෙන ප්‍රතිශත සීග්‍රෙයන් වර්ධනය වේවි. මීට වඩා වැඩි පිරිසක් සමාගම්, ව්‍යාපාර ආරම්භ කරාවි. තවත් අය ඒ අය යටතේ සේවය කරාවි.

අද කරන්න පුළුවන් දේ ?

මේ අපි කතා කලේ අද දවසේ ලෝක ජනගහනයේ සංයුතිය ගැන. තවත් වසර ගණනාවකින් මේ සංයුතියේ වෙනසකම් දකින්න පුළුවන් වේවි. ඉතින් අද ඔබ උපාධියක් හදාරනවාද, යමක් ඉගෙන ගන්නවාද, startup එකක් කරගෙන යනවාද, රැකියාවක් කරනවාද කියන එක ප්‍රශ්ණයක් නැහැ. ප්‍රශ්ණය ඔබ අද කරන දේ හෙට ආනාගතයට කොයිතරම් දුරට ගැලපේවිද යන්නයි. ඒ නිසා ඒ ගැනත් පොඩ්ඩක් හිතලා බලන්න.

වොෂින්ටනයේ DJI ඩ්‍රෝන් යානා යැවීම තහනම්

 

DJI Phantom කියන්නේ drone යානා සම්ප්‍රදාය සම්පූර්ණයෙන්ම වෙනස් කරමින් සාමාන්‍ය ජනතාව අතරට ගෙන යාමට සමත් වූ නිර්මාණයක්. ඒත් මේ විදියට හැම කෙනෙක්ම වගේ drone යානා අහසේ පියාසැරවීමට පටන් ගැනීමත් එක්ක DJI සමාගමට සහ භාවිත කරන්නන්ට නොයෙකුත් නීතිමය ගැටළු වලට මුහුණ දීමට සිදු වුනු අවස්ථාත් සුලබයි. හැබැයි පසුගිය දවසක ඇමරිකාවේ ධවල මන්දිරය අසලට කඩා වැටුණු DJI Phantom යානය නිසා නම් DJI ආයතනයට ලොකු ප්‍රශ්ණවලට මුහුණු දෙන්න සිදුවුනා. ඒ අනුව මින් පසු වොෂින්ටනයේ ධවල මන්ධිරයේ සිට සැතපුම් 15.5 ක දුරක් යන තෙක් drone යානා පියාසැරවීම තහනම්. ඒ වගේම ඒ ප්‍රදේශයට පියාසැරීමට නොහැකි වන පරිදි DJI Phantom 2 යානයේ මෙහෙයුම් මෘදුකාංගය සඳහා අනිවාර්ය යාවත්කාලීනයක් (update) නිකුත් කිරීමටත්  DJI සමාගම කටයුතු කලා. ඒ කියන්නේ කෙනෙක්ට අවශ්‍ය වුනත් ඔන්න දැන් ධවල මන්දිරය පැත්තට drone යානා යවන්න බැහැ.

ඉතින් අපි මෙහේ ඉඳන් ඔච්චර දුරක් drone එකක් යවනවද කියලා ඔයාලට හිතෙන්න ඇති නේද? ඒක ඇත්ත, ඒත් මේ ආරංචිය කිව්වේ දවසින් දවස අහසේ පියාසර කරන drone යානා ගණන දහස් ගණනින් වැඩි වෙද්දී ඒවාට නීති රීති පද්ධතියක් නිකුත් වෙන කාලය වැඩි ඈතක නෙවෙයි කියන්නයි. ඒ වගේම drone යානා යවන්නත් බලපත්‍රයක් ගන්න වෙන දිනය වැඩි ඈතක නෙවෙයි.

ජාතික ගීය දෙමළ භාෂාවෙන් ගායනා කරන හැටි මෙන්

ජාතික ගීය දෙමළ භාෂාවෙන් ගායනා කිරීම සම්බන්ධව මේ දිනවල දැඩි කතා බහක් මතුව තිබේ. ඒ ඊට කිසිදු  බාධාවක් නැති බව ජනාධිපති මෛත්‍රීපාල සිරිසේන මහතා පැවසීමත් සමගය. පසුගිය (17)දා පැවැති ජාතික විධායක සභාවේදී ප්‍රජාතන්ත්‍රවාදී ජනතා පෙරමුණේ නායක නායක මනෝ ගනේෂන් මහතා විසින් ඇසූ ප්‍රශ්නයකට පිළිතුරු ලෙස ජනාධිපතිවරයා මේ බව පවසා ඇත. ඒ අනූව එය චක්‍රලේඛයක් මගින් සියලූ රාජ්‍ය ආයතන වෙත දැනුම්දෙන බවද ඔහු පවසා ඇත.

2010 වසර දක්වාම උතුරු නැගෙනහිර ප්‍රදේශවල ජාතික ගීය දෙමළ භාෂාවෙන් ගායනා කෙරුණු අතර එම වසරේදී හිටපු ඇමති ජෝන් සෙනෙවිරත්න මහතා ඉදිරිපත් කෙරුණු කැබිනට් පත්‍රිකාවක් අනූව මේ සම්බන්ධයෙන් මතභේදයක් හටගෙන තිබුණි.   ඒ අනූව ජාතික ගීය දෙමළ භාෂාවෙන් ගායනා කිරීම පසුගිය වසර කිහිපය තුළ නතර වී තිබිණ. ජනාධිපතිවරයාගේ නව තීරණයත් සමග එය දෙමළ භාෂාවෙන් ගායනා කිරීමට අවස්ථාව උදාවෙයි. කෙසේ වුවද විමල් වීරවංශ මහතාගේ ජාතික නිදහස් පෙරමුණත් උදය ගම්මන්පිල  මහතාගේ පිවිතුරු හෙළ උරුමයත් ඊට විරෝධය පළ කර තිබේ.

Sinhala Lyrics of the National Anthem

ශ්‍රී ලංකා මාතා

අප ශ්‍රී……. ලංකා නමෝ නමෝ නමෝ නමෝ මාතා

සුන්දර සිරිබරිනී සුරැඳි අති සෝබමාන ලංකා

ධාන්‍ය ධනය නෙක මල් පලතුරු පිරි ජය භුමිය රම්‍යා

අප හට සැප සිරි සෙත සදනා ජීවනයේ මාතා

පිළිගනු මැන අප භක්‍තී පූජා

නමෝ නමෝ මාතා

අප ශ්‍රී …… ලංකා නමෝ නමෝ නමෝ නමෝ මාතා

ඔබ වේ අප විද්‍යා

ඔබ මය අප සත්‍යා

ඔබ වේ අප ශක්‍ති

අප හද තුළ භක්‍තී

ඔබ අප ආලෝකේ

අපගේ අනුප්‍රාණේ

ඔබ අප ජීවන වේ

අප මුක්‍තිය ඔබ වේ

නව ජීවන දෙමිනේ නිතින අප පුබුදු කරන් මාතා

ඥාන වීර්‍ය වඩවමින රැගෙන යනු මැන ජය භූමී කරා

එක මවකගෙ දරු කැල බැවිනා

යමු යමු වී නොපමා

ප්‍රේම වඩා සැම හේද දුරැර දා නමෝ නමෝ මාතා

අප ශ්‍රී…….. ලංකා නමෝ නමෝ නමෝ නමෝ මාතා

Tamil lyrics of the National Anthem

ஸ்ரீ லங்கா தாயே – நம் ஸ்ரீ லங்கா

நமோ நமோ நமோ நமோ தாயே

நல்லெழில் பொலி சீரணி

நலங்கள் யாவும் நிறை வான்மணி லங்கா

ஞாலம் புகழ் வள வயல் நதி மலை மலர்

நறுஞ்சோலை கொள் லங்கா

நமதுறு புகலிடம் என ஒளிர்வாய்

நமதுதி ஏல் தாயே

நமதலை நினதடி மேல் வைத்தோமே

நமதுயிரே தாயே – நம் ஸ்ரீ லங்கா

நமோ நமோ நமோ நமோ தாயே

நமதாரருள் ஆனாய்

நவை தவிர் உணர்வானாய்

நமதோர் வலியானாய்

நவில் சுதந்திரம் ஆனாய்

நமதிளமையை நாட்டே

நகு மடி தனையோட்டே

அமைவுறும் அறிவுடனே

அடல்செறி துணிவருளே – நம் ஸ்ரீ லங்கா

நமோ நமோ நமோ நமோ தாயே

நமதோர் ஒளி வளமே

நறிய மலர் என நிலவும் தாயே

யாமெல்லாம் ஒரு கருணை அனைபயந்த

எழில்கொள் சேய்கள் எனவே

இயலுறு பிளவுகள் தமை அறவே

இழிவென நீக்கிடுவோம்

ஈழ சிரோமணி வாழ்வுறு பூமணி

நமோ நமோ தாயே – நம் ஸ்ரீ லங்கா

நமோ நமோ நமோ நமோ தாயே

පහත වීඩි‍යෝවෙන් දැක්වෙන්නේ ජාතීක ගීය දෙමළ භාෂාවෙන් ගායනා කරන අයුරුය.